Malaria vanga thi zingah PF thluaka lut leh Kal (Kidney) Malaria hrikin a tihchhiat vanga thi Zoram-ah tam ber

    Mizoram State Vector Borne Diseases Control Programme (MSVBDCP) in kum 2009 (Jan - Dec) chhunga report a hmuh atangin, thisen exam mi 171793 zingah mi 9399 an positive a, mi 119 lai Malaria vangin an boral. Malaria vanga thi te hi naupang kum 1 - 64 kara mi an ni hlawm a, mipa 79 leh hmeichhia 40 an ni.
    Malaria vanga thih chhan zirchiana atang chuan khawsik neite hi inenkawl har vang an ni tlangpui a, inenkawl tura damdawiin emaw mahni venga thisen test tir an nih zet chuan an taksa ah harsatna lian tak a lo awm tawh a, a tlangpuiin PF thluaka lut chi leh kal (kidney) Malaria hrikin a tihchhiat avangin an thi deuh ber a ni

An awmna hmun theuhah Zohnahthlakte an himin an thlamuang tur a ni : Ramsanga

         Art & Culture minister PC Zoram Sangliana chuan, “Zo hnahthlak hmun hrang hranga mite chu an awmna hmun theuhah an himin an thlamuang tur a ni,” a ti.
         He thu hi January ni 27 - 29, 2010 chhunga neih Manipur Group YMA Annual Conference vawi 25-na Santing, Manipur-a neih a hmanpuina ah sawiin PC Zoram Sangliana chuan, “Mizoram chu Zofate Inpui, an Jerusalem a nih avangin Pu Lal Thanhawla kaihhruai Mizoram sawrkar chuan Zo hnahthlak khawikipa mite tan pawh a tul ang zela hmalak a inpeih reng a ni,” a ti a. YMA member kalkhawmte chu khawtlang nun siamthat kawnga an hmalakna turah mimal leh chhungkua theuha bul tan tur leh, ruihhlo avanga thalaite piansualna tam tak hre reng chunga nun uluk turin a fuih bawk a ni.

Puia'n a nakruh bo a hmu ta.

          Vawiin Ni 15-01-2010 Dar 12:00 khan Zawlbuk Online Group-a kan bulpui ber, kan Convener LP Sailo (Puia) chuan nula hmeltha tak mai Vanlalchhandami (Nu-i), Tlangnuam Veng, Aizawl chu a nupui tak ni turin Electric Veng Presbyterian Biakin-ah TIAM TLAT E a tihpui. Nupa tuak thar te kan lawmpuiin fanau maltluan chawia Pathian malsawmna dawng turin duhsakna kan hlan e.

Pu R. Rozika kan chan ta

Mizo officer zinga chhuanawm berte zinga mi ni thin, Pu R. Rozika chu vawiin chawhnu dar 2:30 vel khan pumpui cancer vangin New Delhi-a AIIMS damdawi inah a thi.

Zawlbuk Online Group Seminar 2010

Hun engemaw chen atanga kan lo inruahman tawh Zawlbuk Online Group Seminar chu naktuk Ni 12 January, 2010 hian I&PR Auditorium-ah kan nei dawn a. Zawlbuk website tlawh thintutelokal vek turin kan sawm a che u. A hnuaiah Programme kimchang kan tarlang e. 

Zawlbuk Online Group
Seminar 2010

PROGRAMME

A hun : Dt. 12 January, 2010.
A hmun : I & PR Auditorium.

Session 1
(10:15am – 12:30pm)
Thupui : Mizote Value System bihchianna

Chairman
R. Lalvena

Welcome Remarks
R.Lalrinawma

Hunserh
Rev. Dr.K. Lallawmzuala

Inauguration Speech
Rev. K.Lungmuana

Paper Presentation
L.P. Sailo

Discussion, Question & Answer

R E F R E S H M E N T

Session 2
(1:30pm – 4:00pm)
Thupui : Tun dinhmunah Mizote tan Inchimralna a hlauhawm em?

Chairman
Vana Khawlhring

Inauguration Speech
Dr. L.H. Chhuanawma

Paper Presentation
C.Vanlalramsanga

Discussion, Question & Answer

Vote of Thanks
Vanlalnghaka Chhawnchhek