Ramtin kiltina cheng mek Zoram leilung faten Kan ram kan tih theih awmchhun Mizoram hmasawnna leh kawngtin renga mite tihdan tha seng luta atha lo apiang hnawl thiam thei tura mipui leh zirlaite finchhuah a zir tirna pek mai bakah Mizoramah dikna, muanna, taimakna, huaisenna leh tumruhna thangthar zawkten an lo neih theihnan Mizoram leh mizo hnam veimi ten in thuruala din a ni.

Tin, Mizote zingah inthurualna tha zawk leh tanrual kan thiam theihnan te leh Mizo hnam inpumkhata, zai khata luang za a, hmasawnna rulrel hmantlak leh chhawrnahawm ruahman anih theih nana thiamna, theihna, finna te hmang a; tha leh zung, ngaihtuahna leh rilru seng peih te titi hona tur leh hetiang kawnga mimal tin ten an vei zawng inthlahrung hlek lova an auchhuahpui theih nan Zawlbuk hi din a ni.

Zawkbuk tum bulpuite chu:

1.Zoram mipuiin hmasawnna rahbi an zawh fuh theih nan, thiam ang leh theih ang tawka tan lak.

2.Hmasawnna atana Mizoram sawrkar hmalakna reng reng thlawp leh Hmasawnna dal zawnga thil tihna reng reng erawh do tlat.

3. Zofa zawng zawngte inpumkhata pheikhai rual taka hmasawnna ruhrel hmantlak leh chhawr nahawm ruahman anih theihna tur dawhkan (forum) siam.

4. Mizoram leh hnam hmasawnna atana ngaihtuahna, thiamna, finna leh theihna sen huam te tan kawng hawn sak leh dap pui.

5. Mizoram leh hnam hmasawnna atana ngaihdan leh vei neiten duh thlang a, tim hlek lova an duhzawng an sawi theihna hmun siam.

6.NGOs hrang hrangte leh Kohhran hmalaknate finchhuah puia thurawn pek.

7.Sawrkar leh Political party hrang hrangte thil tih thalo a awm chuan, mipui te hrilh hriat leh a dik lo lai zir tir.